Երեւանում բնակարանների գնորդների թիվը 34.5%-ով կրճատվել է

02.05.2015

Պաշտոնական տվյալների համաձայն, հունվար-մարտին Հայաստանում բնակարանների առքուվաճառքի գործարքների թիվը տարեկան կտրվածքով կրճատվել է 1039 միավորով (կամ 30.6%-ով), այդ թվում Երեւանում՝ 785 միավորով (34.5%-ով):

Եվ այսպես, երկրում սկսել են ավելի քիչ բնակարան գնել՝ դրա զանգվածային առաջարկի ֆոնին: Բնականաբար, պահանջարկի նման կտրուկ անկումն անխուսափելիորեն պետք է հանգեցներ բնակարանային շուկայում գների փոփոխությունների:

Սակայն պաշտոնական գները բացարձակապես «անտարբեր» են պահանջարկի եւ առաջարկի անհավասարակշռության հանդեպ: Սակայն այդ թվերը մանրադիտակի օգնությամբ դիտարկելու դեպքում գներում որոշակի փոփոխություններ, ամեն դեպքում, զգացվում են: Բայց ոչ թե դեպի նվազում, ինչպես կարելի էր ակնկալել, այլ դեպի բարձրացում:

Այսպես, մեկ տարվա ընթացքում (մարտի դրությամբ) մայրաքաղաքի 11 վարչական շրջաններից 8-ում պաշտոնական շուկայական գներն աճել են: Գների աճի առումով «ռեկորդը» Մալաթիա-Սեբաստիայինն է, որտեղ բնակարանները թանկացել են 0.5%-ով: Միաժամանակ, նաեւ գների անկում է գրանցվել՝ Քանաքել-Զեյթունում, խորհրդանշական 0.02%-ով:

Սակայն այստեղ հետաքրքիր մանրամասն կա. դրամով գները արտարժույթի վերածելու դեպքում, պատկերը կտրուկ փոխվում է: Պատկերավոր տեսնել կարող եք երկրորդ աղյուսակում, որտեղ ներկայացված են ստանդարտ բնակարանի (63 քմ) պաշտոնական գները ԱՄՆ դոլարով։