2014թ.–ի արդյունքում Հայաստանի առևտրային բանկերի դասակարգումը` ըստ վարկային ներդրումների ծավալի։

Ինչպես հետևում է տվյալների վերլուծությունից, Հայաստանի բանկային համակարգի վարկային ներդրումների համախառն ծավալը 2014թ.–ի արդյունքում կազմել է մոտ 2 163 մլրդ դրամ` 2013թ.–ի համեմատ ավելանալով 21,2 տոկոսով։

«ԱՌԿԱ» գործակալության վարկանիշի համաձայն` վարկային ներդրումների մեծությամբ առաջատարների հնգյակում են ներառվել Ամերիաբանկը, ՎՏԲ–Հայաստան Բանկը, Արդշինբանկը, HSBC–Բանկ Արմենիան և Հայբիզնեսբանկը։ Այս հինգ բանկերի վարկային ներդրումների համախառն ծավալը կազմում է 1 135,7 մլրդ դրամ, իսկ դրանց մասնաբաժինը Հայաստանի բանկային համակարգի վարկային ներդրումների գումարային ծավալում կազմում է մոտ 52,5 տոկոս։

Միաժամանակ «ԱՌԿԱ» գործակալության վարկանիշում 2014թ.–ին վարկային ներդրումների մեծությամբ առաջատարն է Ամերիաբանկը` 300,4 մլրդ դրամի ցուցանիշով (տարեսկզբի համեմատ 62,3 տոկոսի աճ)։ Բանկերի վարկային ներդրումների համախառն ծավալում Ամերիաբանկին բաժին է հասել դրանց մեծության 13,9 տոկոսը։

Գործակալության դասակարգման երկրորդ տեղում է ՎՏԲ–Հայաստան Բանկը` 244,3 մլրդ դրամի ցուցանիշով (11,7 տոկոսի աճ)։ Բանկի մասնաբաժինը վարկային ներդրումների համախառն ծավալում կազմում է 11,3 տոկոս։

Երրորդ հորիզոնականում է Արդշինբանկը, որի վարկային ներդրումների ծավալը նախորդ տարվա արդյունքում կազմել է 220,1 մլրդ դրամ (27,8 տոկոսի աճ), իսկ բանկերի համախառն ներդրումներում Արդշինբանկի մասնաբաժինը կազմում է 10,2 տոկոս։

Չորրորդ տեղում HSBC–Բանկ Հայաստանն է` 186,5 մլրդ դրամի ցուցանիշով (21,7 տոկոսի աճ) և 8,6 տոկոս մասնաբաժնով։

«ԱՌԿԱ»–ի վարկանիշի հինգերորդ հորիզոնականում է Հայբիզնեսբանկը։ Բանկի վարկային ներդրումների ծավալը 2014 թ.–ի արդյունքում կազմել է 184,4 մլրդ դրամ (մոտ 34,4 տոկոսի աճ), իսկ բանկային համակարգի համախառն ներդրումներում Հայբիզնեսբանկի մասնաբաժինը կազմում է 8,5 տոկոս։

Ինչպես նշվում է «ԱՌԿԱ» գործակալության վերլուծության մեջ, հաշվետու ժամանակահատվածում հայկական բանկերի շրջանում վարկային պորտֆելի նվազագույն աճ է գրանցել Ամերիաբանկը (մոտ 62,3 տոկոս)։ Միաժամանակ այս ցուցանիշով ամենամեծ անկումը (25,5 տոկոսով) գրանցվել է Առէկսիմբանկ–Գազպրոմբանկ խմբի մոտ։ Մոտ 69,1 մլրդ դրամի չափով վարկային ներդրումների ծավալով բանկը զբաղեցնում է վարկանիշի 10–րդ հորիզոնականը։ Այն Հայաստանում գործող բանկերից (21 բանկ) միակն է, որի վարկային պորտֆելը ողջ հաշվետու ժամանակահատվածի ընթացքում նվազման դինամիկա է գրանցել։

Միաժամանակ Մելլաթ բանկը 5,5 մլրդ դրամի ցուցանիշով եզրափակում է բանկերի ցանկը` ըստ վարկային ներդրումների մեծությամբ։ Չնայած հարկավոր է նշել, որ 2013թ.–ի համեմատ բանկն ապահովել է իր վարկային պորտֆելի աճ 14,5 տոկոսով, իսկ բանկի մասնաբաժինը հայկական բանկերի համախառն ներդրումներում կազմել է մոտ 0,3 տոկոս։