Ռեյնդերս. ՀՀ-ն ու Բելգիան պետք է զարգացնեն համագործակցությունն ալմաստների մշակման ոլորտում

28.04.2015

Հայաստանն ու Բելգիան պետք է զարգացնեն համագործակցությունը ալմաստների վերամշակման ոլորտում: Այս մասին, այսօր՝ ապրիլի 27-ին, ՀՀ ԱԳ նախարար Էդվարդ Նալբանդյանի հետ համատեղ ասուլիսի ժամանակ հայտարարել է Բելգիայի ԱԳ նախարար Դիդիե Ռեյնդերսը:

Նրա խոսքով երկկողմ համագործակցությունն անհրաժեշտ է զարգացնել նաեւ բժշկության ոլորտում, մասնավորապես, քաղցկեղի բուժման, շինարարության, փոքր ու միջին ձեռնարկությունների զարգացման ոլորտներում՝ հենվելով նաեւ երկու երկրների սփյուռքների ներուժի վրա:
«Մենք պետք է մեր երկրների միջեւ նոր համաձայնագրեր կնքնենք: Այն ինչ կա այսօրվա դրությամբ, դեռեւս անբավարար է հաշվի առնելով մեր ներուժն ու հնարավորությունները»,-ընդգծել է Բելգիայի ԱԳ նախարարը: