օգտագործման համաձայնագիրը

ՕԳՏԱԳՈՐԾՄԱՆ ՀԱՄԱՁԱՅՆԱԳԻՐ

Դառնալով ararat-realty.com /Արարատ անշարժ գույքի գործակալություն/ օգտատեր` Դուք ընդունում եք սույն օգտագործման համաձայնագրի պայմանները: 

Ձեր հայտարարությունը տեղադրելիս` Դուք կրում եք պարունակության ամբողջ պատասխանատվությունը: Կայքն իրավունք է վերապահում չհրապարակել կամ իր կողմից հեռացնել անպատշաճ բովանդակությամբ հայտարարությունը:

Կողմերի իրավունքներն ու պարտականութունները

ararat-realty.com կայքում տեղադրված բոլոր տեղեկություններն ու նյութերը պաշտպանված են հեղինակային իրավունքների մասին սահմանված օրենքով և հանդիսանում են ararat-realty.com սեփականությունը: Դուք չեք կարող պատճենել, վերարտադրել, տարածել, հրապարակել, վերցնել, պահպանել, փոխանցել կամ օգտագործել կայքի որևէ մասը կամ այնտեղ տեղադրված տեղեկությունը կոմերցիոն նպատակներով:

Օգտվելով ararat-realty.com ծառայություններից` Դուք հաստատում եք, որ կրում եք բացառիկ պատասխանատվություն Ձեր կողմից տեղադրված հայտարարության բովանդակության համար, ունեք բոլոր անհրաժեշտ իրավունքներն ու թույլտվությունները տվյալ տեղեկությունը տեղադրելու համար` ներառյալ պատենտները, ապրանքանշանները, կոմերցիոն գաղտնիքները, ինչպես նաև թույլատվություն բոլոր այն մարդկանց կողմից, որոնք նշվում են հայտարարության տեքստում:

Դուք պարտավորվում եք`

Չձեռնարկե՛լ որևէ գործողություն, որը կբերի կայքի ենթակառուցվածքի անհամաչափ բարձր ծանրաբեռնմանը;

Չօգտագործե՛լ ավտոմատ ծրագրեր կայք մուտք գործելու համար;

Չկանխե՛լ և չփորձե՛լ կանխել կայքի աշխատանքն ու այդտեղ ընթացող այլ գործունեությունը, նաև չկանխե՛լ ավտոմատ ծրագրերի և պրոցեսների աշխատանքը;

Չօգտագործե՛լ այլ օգտատերերի կողմից տրամադրված տվյալները որևէ այլ նպատակներով, բացի օգտատիրոջ հետ գործարք կատարելուց;

Չքննադատե՛լ մոդերատորների և ադմինիստրացիայի գործողությունները որևէ այլ տարբերակով, բացի ուղիղ էլեկտրոնային նամակագրությունից;

Չօգտագործե՛լ անուններ, որոնք նման են այլ օգտատերերի անուններին` իրենց փոխարեն ներկայանալով և իրենց անուններից հաղորդագրություններ գրելով:

ararat-realty.com ադմինիստրացիան իրավունք է վերապահում ցանկացած պահի օգտատիրոջ հետ տվյալներ ճշտելը և պահանջելը անձը հաստատող փաստաթուղթ: Վերոհիշյալները չտրամադրելը հավասար է ոչ պատշաճ տեղեկություններ տրամադրելուն: Այն դեպքում, երբ օգտատիրոջ կողմից տրամադրված փաստաթղթերը չեն համապատասխանում գրանցվելիս տրամադրված տվյալներին, ararat-realty.com իրավունք ունի օգտատիրոջը մերժել և նրա մուտքը փակել՝ առանց նախազգուշացման:

Օգտատերը իրավունք ունի կայքի աշխատանքի հետ կապված իր դժգոհությունները հղել հետադարձ կապի միջոցով: Բողոքները կդիտարկվեն դիմումը ստանալուց 5 աշխատանքային օրվա ընթացքում:

Կայքով օգտվելու պայմանում Դուք համաձայն եք`

Չխախտե՛լ հայտարարությունների հրապարակման կանոնները

Չհրապարակե՛լ և չփոխանցե՛լ որևէ ապօրինի, սպառնացող, վիրավորական, վարկաբեկող կամ ոչ պատշաճ տեղեկություններ կամ նյութեր, որոնք խախտում են մարդու իրավունքները, խթանում են քրեական վարքը կամ հանրային անկարգությունները:

Չհրապարակե՛լ և և չփոխանցե՛լ նյութեր, որոնք պարունակում են այլ անձի իրավունքները խախտող տարրեր, խախտում են հեղինակային իրավունքը, ապրանքանշանի իրավունքը կամ այլ սեփականության իրավունքը: Արգելվում է նաև առանց օրինական տիրոջ նախնական համաձայնության որևէ նյութ վերցնելը:

Չհրապարակե՛լ առաջարկներ, որոնք պարունակում են անօրինական տեղեկություններ գործունեության, ծառայության կամ ապրանքի մասին: Դրա մեջ են մտնում ֆինանսական բուրգերի սխեմաները, թմրանյութերը, վտանգավոր քիմիկատները, զենքը և գողացված ապրանքը:

Չվերբեռնե՛լ այլ օգտատիրոջ կողմից արդեն տեղադրված ֆայլ` տեղյակ լինելով կամ ենթադրելով, որ այդ կերպով տվյալ ֆայլի տարածումը հանդիսանում է օրինական:

Պատասխանատվության սահմանափակում

Օգտվելով Arajark.am-ի ծառայություններից` օգտատերը հաստատում է իր համաձայնությունը առ այն, որ նա օգտվում է կայքից և դրա ծառայություններից ըստ իր կամքի և պատասխանատվության, գրանցվում է ու վերցնում իր վրա բոլոր ռիսկերը, որոնք կախված են տեղադրված հայտարարությունների օգտագործման համար: Իսկ կայքը, այդ թվում կայքի ղեկավարությունը, աշխատակիցներն ու գործակալները ոչ մի պատասխանատվություն չեն կրում կայքում տեղադրված հայտարարությունների բովանդակության համար, ցանկացած կորստի և վնասի համար, որոնք առաջացան կայքում տեղադրված հայտարարությունները օգտագործելու հետևանքով:

Համաձայնագրի ժամկետը

Տվյալ օգտագործման համաձայնագիրը ուժի մեջ է մտնում օգտատիրոջ` ararat-realty.com որևէ ծառայությունից օգտվելու կամ կայքում գրանցվելու պահից և տևում է անժամկետ:

Եթե օգտատերը համաձայն չէ կայքում հայտարարությունների հրապարակման կանոնների կամ տվյալ օգտագործման համաձայնագրի հետ, նա պարտավոր է դադարեցնել ararat-realty.com կողմից առաջարկվող ծառայություններից օգտվելը: ararat-realty.com կայքի օգտագործումը չդադարեցնելու փաստը հանդիսանում է օգտատիրոջ կողմից համաձայնության փաստ:

Արարատ անշարժ գույքի գործակալության կողմից մատուցվող ծառայությունների սակագներն են․

Անշարժ գույքի ձեռքբերման/վաճառքի դեպքում մատուցվող ծառայության արժեքը կազմում է գույքի ձեռքբերման վերջնական գնի 2 տոկոսի չափով գումար, որը իր մեջ ներառում է նաև նոտարական և կադաստրային վճարումները։ 

Անշարժ գույքի վարձակալության դեպքում մատուցվող ծառայության արժեքը կազմում է գույքի մեկ ամսվա վարձավճարի չափի՝  

մեկ ամսով վարձակալելու համար՝ 10 տոկոսի չափով գումար

երկու ամսով վարձակալելու համար ՝ 20 տոկոսի չափով գումար

երեք ամսով վարձակալելու համար ՝ 30  տոկոսի չափով գումար

չորս ամսով վարձակալելու համար ՝ 40  տոկոսի չափով գումար

հինգ և ավել ամսով վարձակալելու համար՝ 50 տոկոսի չափով գումար: 

Արարատ անշարժ գույքի գործակալության կողմից մատուցվող մնացած բոլոր  ծառայությունները, այդ թվում իրավաբանական խորհրդատվությունը՝ ԱՆՎՃԱՐ Է։ 

Սույն Համաձայնագիրը Ձեր կողմից հաստատելուց և ընդունելուց հետո Արարատ անշարժ գույքի գործակալության և Ձեր միջև կնքվում է Ծառայությունների վճարովի մատուցման պայմանագիր։